Tumulus Partheniae virginis
et faculae Veneris in eo ardentis.
Viator et Genius colloquuntur

Viator

Quis, rogo, quis titulus? Fax num tabescit in urna?

      Fax cuia est?

Genius

                           Veneris.

Viator

      Vrnula?

Genius

                                                                 Parthenies.

      Partheniae faculam Veneri dum surripit, urnae

Abdit et: "Hanc, inquit, ignibus ure tuis."

5

      Tabuit ipsa suis fax ignibus intus abesa;

Hinc tumulus titulum virginitatis habet.

      Parthenie iacet hic, Veneris fax hic quoque tabet,

Parthenie tituli ius habet et tumuli.