Tumulus Iunii Iuniani Maii

Et myrtus tumulo satis est sola et satis ipsa

      Laurus; at hunc tumulum vestit utrunque nemus,

Quem Charites persaepe, novem persaepe sorores

      Invisunt; tumulus nec sine honore suo est.

5

Hae choreas agitant, Iunique ad marmora Musae

      Dulce canunt; numeris frondea silva favet,

Laetantur lauri, myrtus laetatur et omnis,

      Ac Maii felix nomine ridet humus.

Hic vates requiem ducit: feliciter umbra

10

      Dormiat, et cineri sit sopor usque pio.