Tumulus Theodori Gazae
nobilissimi oratoris ac philosophi

Sume lyram, dic, Musa, modos, dum condimus umbram:

      Et puer et coluit numina vestra senex.

Indignus tellure, deos, Theodore, petisti;

      Sera quidem, tamen est longa parata quies.

5

Virtute ingeniique bonis hoc ipse parasti,

      Vt coeli aspiceres aurea tecta senex.

Nos artus terra tegimus: tu, caste sacerdos,

      Dic requiem; aeternum iam, Theodore, vale.