carmina libraria Iohannes Poggius, contra fratrem Hieronymum Heresiarcham

Permalink: http://www.poetiditalia.it/texts/CARM_LIB|pogg|001


poeta

Qui crucis es solitus frater cantare triumphos

      Inque tuam sperans ferre trophea manum

Civibus angelicis poteras qui opponere Sphinga

      Edipos in fidei simplicitate prior.

5

Dic mihi vix ternis cur cedis tractibus arcum

      Quae poterat mentis frangere cerva tuum.

 

frater

Terrenae certasse fere si fata dedissent

      Victo eram praesto gloria lausque fuit.

Nil iuvat invictis quemquam se opponere divis

      Aethera qui servet non lupus agnus erit

5

Agnus me vicit, scandit qui moenibus altis

      Hierusalem ex rubrum perdomuit pelagum.

 

poeta

Victe cadis basilisce loquax et noctua bellax

      Nunc draco, nunc aspis, nunc leo, nuncque lupus

Prothea non metuit Petrus, non aspida Paulus,

      Stat bove Borsiaco firmior alma ratis

5

Pastorem Rhadamante leva tuque Aeace serva

      Minois aetherei spiritus astra regat.

 

frater

Parce Poeta precor: victos quid ledere manes

      Proderit? Invictum mens colat una Deum.

Sic me dum pereo trinum dum ledere numen

      Ascendo triplia morte Sagitta ferit

5

Heu pietas, heu simpla fide, crucis ecce triumphum

      Dum cecini laqueus ignis et Arnus agit.

 

poeta

Ergo victe iaces pastor cui sancta ministrant

      Numina sub pedibus stellica colla tenet

Pontificem dum phoebus amat, Saturnia poscunt

      Secula nox stir fer spina procella fuge

5

Non odium, non livor edat non unda lupina est

      Omnia lex virtus gloria pax pietas.