carmina libraria Plutarchus, opuscola

Permalink: http://www.poetiditalia.it/texts/CARM_LIB|plut|001


Aldus Manutius Romanus Iacobo Antiquario Perisino s.p.d.

 

Aldus venit en, Aldus ecce venit,

Nostrum sinciput occiputque nostrum,

Mel, sal, lac quoque circulumque solus,

Graios altera et altera Latinos

5

Qui apprendendo manus, reduci omneis

In verum modo limitem, superbos

Victores superans Olympiorum.

Nunc, o, nunc iuvenes ubique in urbe

Flores spargite: vere namque primo

10

Aldus venit en, Aldus ecce venit.