carmina libraria Dominicus Picolomineus, oratio de laudius liberalium disciplinarum

Permalink: http://www.poetiditalia.it/texts/CARM_LIB|picd|001


Ioannis Baptistae Adveduti hexasticon

 

Pone malum virus, procul hinc quicumque sororum

      Munera sacra cupis nec secus accipies.

Pluraque cum niteant moneant te dogmata Flacci

      Ne proprium feriant tela retorta caput.

5

Plura benigne legens paucis arcana Minervae

      Alterius digne sacta labore feres.

 

 

Domincus ad lectorem

 

Quisquis ad ingenuas totum sese applicat artes,

      Haec legat: hic laudes fructus et author inest.

Quisquis ab ingenuis studiis discessit amaris

      Haec legat, haec revocant ad studium iuvenes.

5

Nec tamen ipse legas ciliis oculisque retortis,

      Invidia rabie livida frons abeat.

Tandem si qua forent reprehensu digna, benigne

      Nos moneas: monitis ipse favebo tuis.

Nec mirum est peccasse: meo ter quinque sub aevo

10

      Isque super tauri lumina sol rapuit.

Quod nisi consiliis multis parere putare,

      Non prolata palam haec invidiosa forent.

Si cupis Antea rabie lacerare maligne

      Senseris esse meis viribus herculeam.