carmina libraria Iacobus Locher, carmen de Sancta Katherina

Permalink: http://www.poetiditalia.it/texts/CARM_LIB|loc2|001


Ad lectorem epigramma de diva Katarina

 

Costidis insignes laudes hic candide lector

      Perlege victoris et monumenta Iovis.

Perlege Maxenti sacro rum deinde profanos

      Ritus et gentis dedecus atque nefas.

5

Parva legis, veneranda tamen doctisque probata

      Proderit et multis hoc pietatis opus.

Caesare devicto nacta est Katherina triumphum

      Laureolam martyr doctaque virgo gerit.

Iure ideo ornata es triplici sacra virgo corona

10

      Teque ego dum vita es Bergmanus ope colat.

Ut tua perpetuis hymnis celebrare queamus

      Gesta quibus scimus te meruisse polum.

Te schola, teque senex iuvenis te virgo puella

      Te quicumque sapit, o Catherina colit.

15

Tu studii nostri doctos defende patronos

      Qui cupiunt laudes glorificare tuas.

 

In Katherinianum carmen Iacobi Philomusi elegidion S. Brandt

 

Insigni exaras katherinae carmine laudes

      Illius et vitam docte iacobe canis.

Sacrorum irrides fuerat qui genti bus olim

      Ritus et ararum vana ministeria.

5

Hinc Philomuse facis musas numerarier inter

      Virginis illius plectra sacramque chelym.

Te duce Mnemosyne mirabitur optima mater

      Hanc decimam genitam se sine Pieridem.