carmina libraria Constitutiones synodales ecclesiae Constantiniensis

Permalink: http://www.poetiditalia.it/texts/CARM_LIB|cosy|001


Ad reverendissimum Dominum Hugonem de Landenberg ecclesiae Constantiniensis episcopumelogium Sebastiani Brandt

 

Numine divino praesul celeberrime, sacrae

      Praefectus sedi. Stas populum ante tuum.

Praesul et antistes , speculator, episcopus, unde

      Diceris ut pastor sis populi atque pater.

5

Ad quod in officii monstras Hugo inclyte praesul

      Principio vigili cuncta labore parans.

Nam synodum celebras vitia atque errata reformas:

      Virtutumque iubes semitam adire tuos.

Haec nova et in primis scrutari rite statuta

10

      Praecipis, ad more condita proficuos.

Det tibi cunctipotens vitae mitissime praesul

      Tempora: tam sanctis consona principiis.