2.
Meretricem ingenuam deperibat mutuo
Atheniensis iuuenis; Naupactum is domo
Legatus abiit. Miles in eandem incidit,
Deportat Ephesum inuitam. Seruos Attici,
5
Vt nuntiaret domino factum, nauigat;
Capitur, donatur illi captus militi.
Ad erum ut ueniret Ephesum scribit. Aduolat
Adulescens atque in proximo deuortitur
Apud hospitem paternum. Medium parietem
10
Perfodit seruos commeatus clanculum
Qua foret amantum. Geminam fingit mulieris
Sororem adesse. Mox ei dominus aedium
Suam clientam sollicitandum ad militem
Subornat. Capitur ille, sperat nuptias,
15
Dimittit concubinam et moechus uapulat.