Comprimit adulescens Lemnius Sicyoniam.
Is redit in patriam, et gnatam generat nuptiis.
Sicyonia aeque parit puellam. Hanc seruolus
Tollit atque exponit, et ex insidiis aucupat.
5
Eam sublatam meretrix alii detulit.
Lemno post rediens ducit quam compresserat
Lemnique natam spondet adulescentulo
Amore capto illius proiecticiae.
Requirens seruos reperit quam proiecerat.
10
Itaque lege et rite ciuem cognitam
Alcesimarchus, ut erat nactus, possidet.