Anthologia Vossiana 54 Z (= 804 R)
De quieta uita
Phoebe, faue coeptis nil grande petentibus aut quod
A te transferri turba maligna uelit.
Diuitias auerte; alios praetura sequatur
Optantes, alios gratia magna iuuet.
5
Hic praefectus agat classes alienaque castra
Laetus sollicita †sollicitate roget;
Bis senos huius metuat prouincia fasces;
Audiat hic plausus ter geminante manu.
Pauperis arua soli securaque carmina curem,
10
Nec sine fratre mihi transeat una dies.
Otia contingant pigrae non sordida uitae,
Nec timeat quidquam mens mea nec cupiat,
Ignotumque diu soluat non aegra senectus
Ossaque compositi frater uterque legat.
Extat tantum in F . De hoc cf. Degl'Innocenti Pierini