Anthologia Vossiana 20 Z (= 417 R = 415 SB)
Haec urbem circa stulti monumenta laboris
Quasque uides moles, Appia, marmoreas,
Pyramidasque ausas uicinum attingere caelum,
Pyramidas, medio quas fugit umbra die,
5
Et Mausoleum, miserae solacia mortis,
Intulit externum quo Cleopatra uirum,
Concutiet sternetque dies, quoque altius extat
Quodque opus, hoc illud carpet edetque magis.
Carmina sola carent fato mortemque repellunt;
10
Carminibus uiues semper, Homere, tuis.
20. 20a coniuncta V, def. Tandoi (qui tamen concedit carmina, inter se cohaerentia, non continuari); separant edd. recc. ; ut supra V (def. Prato)