Anthologia Vossiana 19 Z (= 416 R = 414 SB)
Ad maliuolum
Inuisus tibi sum: peream si, Maxime, miror:
Odi te, et, si uis, accipe cur faciam.
Famam temptasti nostram sermone maligno
Laedere, fellitis, inuidiose, iocis.
5
Contra rem nuper pugnasti, liuide, paruam:
Tu tamen in magna te nocuisse putas.
Haec peream nisi sunt animi in te, Maxime, causa:
Odi, nec mentem res magis ulla iuuat,
Inque uicem ut facias curo, pereoque timore
10
Ne minus inuisus sim tibi quam uideor.
1
post miror sic. dist. (cum Baehrens), graviter reliqui edd.