Anthologia Vossiana 1 Z (= 232 R = 224 SB)
Senecae
De qualitate temporis
Omnia tempus edax depascitur, omnia carpit,
Omnia sede mouet, nil sinit esse diu.
Flumina deficiunt, profugum mare litora siccat,
Subsidunt montes et iuga celsa ruunt.
5
Quid tam parua loquor? moles pulcherrima caeli
Ardebit flammis tota repente suis.
Omnia mors poscit. lex est, non poena, perire;
Hic aliquo mundus tempore nullus erit.
habent A B W S Casanatensis 641 (Versus Senec[a]e de sqq.). De hoc carm. cf. etiam Degl'Innocenti Pierini and Mallory Harrison.