Phaedrus fabulae 1, 26

Testo base di riferimento: B. E. Perry, 1965

Cura dell'edizione digitale: C. Renda, 2010

Inserimento e controllo dei dati: P. Marzano

Altre sezioni


Vulpis et ciconia

Nulli nocendum; si quis uero laeserit,

Multandum simili iure fabella admonet.

Ad cenam uulpes dicitur ciconiam

Prior inuitasse, et liquidam in patulo marmore

5

Posuisse sorbitionem, quam nullo modo

Gustare esuriens potuerit ciconia.

Quae uulpem cum reuocasset, intrito cibo

Plenam lagonam posuit; huic rostrum inserens

Satiatur ipsa et torquet conuiuam fame.

10

Quae cum lagonae collum frustra lamberet,

Peregrinam sic locutam uolucrem accepimus:

"Sua quisque exempla debet aequo animo pati."

4

liquidam in patulo marmore coni. Postgate

illi liquidam in patena P R cf. Aldh. carm. 3,74; Adelwulf. abbat. 20,54; Hild. Cen. myst. 692