Phaedrus fabulae 1, 19

Testo base di riferimento: B. E. Perry, 1965

Cura dell'edizione digitale: C. Renda, 2010

Inserimento e controllo dei dati: P. Marzano

Altre sezioni


Canis parturiens

Habent insidias hominis blanditiae mali,

Quas ut uitemus uersus subiecti monent.

Canis parturiens cum rogasset alteram

Vt fetum in eius tugurio deponeret,

5

Facile impetrauit. Dein reposcenti locum

Preces admouit, tempus exorans breue,

Dum firmiores catulos posset ducere.

Hoc quoque consumpto flagitari ualidius

Cubile coepit. "Si mihi et turbae meae

10

Par" inquit "esse potueris, cedam loco."

6

admovit coni. Pithou

admonuit D P