appendix Vergiliana catalepta 13

Reference basis text: A. Salvatore, 1997

Editing of the digital edition: C. Laudani, 2010

Other sections


Iacere me, quod alta non possim, putas,

Vt ante, uectari freta,

Nec ferre durum frigus aut aestum pati,

Neque arma uictoris sequi?

5

Valent, ualent mihi ira et antiquus furor

Et lingua qua *assim* tibi,

Seu prostitutae turpe contubernium

Sororis (o quid me incitas,

Quid, impudice et improbande Caesari?),

10

Seu furta dicantur tua,

Et helluato sera patrimonio

In fratre parsimonia,

Vel acta puero cum uiris conuiuia,

Vdaeque per somnum nates,

15

Et inscio repente clamatum insuper

"Thalassio Thalassio".

Quid palluisti, femina? an ioci dolent?

An facta cognoscis tua?

Non me uocabis pulchra per Cotytia

20

Ad feriatos fascinos.

Nec deinde te mouere lumbos in *ratulam

Prensis uidebo altaribus,

Flauumque propter Thybrim olentis nauticum

Vocare, ubi adpulsae rates

25

Stant in uadis caeno retentae sordido

Macraque luctantes aqua;

Neque in culinam et uncta compitalia

Dapesque duces sordidas,

Quibus repletus ut saliuosis *aquis

30

Obesam ad uxorem redis

Et aestuantes *docte* soluis pantices,

*Osiculisque* lambis sauiis.

Nunc laede, nunc lacesse, si quidquam uales.

Et nomen adscribo tuum:

35

Cinaede Lucci, iam te liquerunt opes,

Fameque genuini crepant.

Videbo habentem praeter ignauos nihil

Fratres et iratum Iouem

Scissumque uentrem et hirneosi patrui

40

Pedes inedia turgidos.

1

Iacere me B ed. Ald. 1517

iacerem H M