Catullus carmina 115

Altre sezioni


Mentula habet instar triginta iugera prati,

      Quadraginta arui; cetera sunt maria.

Cur non diuitiis Croesum superare potis sit,

      Vno qui in saltu tot bona possideat,

5

Prata, arua, ingentis siluas saltusque paludesque

      Vsque ad Hyperboreos et mare ad Oceanum?

Omnia magna haec sunt, tamen ipsest maximus ultro,

      Non homo, sed uero mentula magna minax.