Publilius Syrus mimorum fragmenta


Cellas seruorum conuerri ........

 

Progredere et ne quis latibuletur, prospice.

 

Luxuriae rictu Martis marcent moenia.

Tuo palato clausus pauo pascitur

5

Plumato amictus aureo Babylonico,

Gallina tibi Numidica, tibi gallus spado:

Ciconia etiam grata peregrina hospita

Pietaticultrix gracilipes crotalistria

Auis, exul hiemis, titulus tepidi temporis,

10

Nequitiae nidum in caccabo fecit modo.

Quo margaritam caram tibi, bacam Indicam,

14

Smaragdum ad quam rem uiridem, pretiosum uitrum,

15

Quo Carchedonios optas ignes lapideos,

Nisi ut scintilles? probitas est carbunculus.

12

An ut matrona ornata phaleris pelagiis

Tollat pedes indomita instrato extraneo?

17

Aequum est induere nuptam uentum textilem,

Palam prostare nudam in nebula linea?

 

Quid ergo in uentre parti sarabaras tuo

20

Suspenderit?