Collisi silicis chalybem uigor urget in ignem
Et flammam inter se quassa metalla uomunt.
Durities uitae fortunaeque improba uirtus
Vitam emendantes scit generare preces.
5
Sic anima in uiui scintillas emicat ignis,
Et sua fert miti damna leuanda deo,
Sic quoque naturae generant contraria lucem,
Factoris pateant ut monumenta dei.
Sic Ratio sese peccantem cernit in usu,
10
Admonet et superi lux peritura poli.