Quos paribus nutrix eadem pauisse papillis,
Pectore quos uno genitrix gestasse probatur,
Discidiis indiscissis in mutua saepe
Vulnera non una perituri clade ruerunt.
5
Quos post longaeuos discordia deserit annos,
Vt post commissas iunxerunt foedera dextras,
Constantis dederunt documenta frequenter amoris.
Thebanum nullo linquit discrimine Tydeus;
Tydea nullo umquam Polynices Marte relinquit.