Cum mea me mater grauida gestaret in aluo,
Quid pareret, fertur consuluisse deos.
Phoebus ait "puer est", Mars "femina", Iuno "neutrum
Iam, qui sum natus, Hermaphroditus eram.
5
Quaerenti letum dea sic ait occidet armis,"
Mars "cruce", Phoebus "aqua". sors rata quaeque fuit.
Arbor obumbrat aquas; conscendo, labitur ensis
Quem tuleram, casu, labor et ipse super.
Pes haesit ramis, caput incidit amne, tulique
10
Vir mulier neutrum flumina tela crucem.
Nescio quem sexum mihi sors extrema reliquit;
Felix, si sciero, cur utriusque fui.