Dalmatiane, iugi, Caesar, quem terra triumpho
Excolit imperium cuncta tremendo tuum,
Auribus hunc audi sacris oculisque beatis
Aspice gestantem pessima facta librum
5
Hoc tibi sit uotum laus perpes, sacra potestas,
Ecclesiae sanctae iura tenendo sacra.
Ipsius Augusto sulcando uomere sulcos
Constantinus eris maior in imperio
Ast ubi uel quando synodos complectere sacras
10
Malebant, proprio hoc erat in libitu.
Tempora praeteritis retro defluxa diebus
Testantur, diuos has peregisse solos
Ad quas papa †suos currebat et ipse Romanus
Transmiserat quorum iussa tenendo sacra
15
Hoc Nicena canit quoque Constantinus in ipsa,
Effulsit diuus papa simul Iulius
Arrius hac cecidit tanto librante magistro,
A qua sancta caput traxit amore fides.
Calcedona sequens hanc Marcianus et auctor
20
Testatur feriens Eutychiana labra.
Non tacet hoc diuo fulgens Ephesena tropheo,
Theodosii calcans dogmata Nestorii
.. mana† deinde hoc pandunt iura per orbem
Legibus extensa prorsus utrisque sacra
25
Quodsi cuncta canunt synodi per dogmata sacrae,
Condecet illarum uos retinere ritum
Non minor Augustus, minor est tibi neque potestas,
Nec tibi dissimilis imperialis apex
Bissona nec absunt uobis librata talenta,
30
Velle sit aut posse alterius proprium
Sentiat inde dei gaudens plebs incrementum,
Polleat et uestro tempore sancta fides
His ualitura bonis uestro libramine, Caesar,
Saecula perpetuum dent tibi cuncta melos.