Bis sena mensum uertigine uoluitur annus,
Septimanis decies quinis simul atque duabus,
Ter centenis bisque tricenis quinque diebus,
Quos ternis gaudet diuisos stare columnis,
5
Scilicet Idibus et Nonis simul atque Kalendis.
Nam quadris constat Nonis concurrere menses
Omnes excepto Marte et Maio, sequitur quos
Iulius et October: senis soli hi moderantur.
Septenis patet hos denis quadrare Kalendis.
10
Octonisque pares menses sunt Idibus omnes.
Ianus et Augustus tantum mensisque December
Voluuntur denis semper nonisque Kalendis;
At contra currunt bis nonis rite quaterni
Iunius Aprilis September et ipse Nouember.
15
Sedenis Februus cito solus ab omnibus errat.
Bis senis sic namque rotatur mensibus annus
Per Nonas Idusque decurrens atque Kalendas.