Temporibus laetis tristamur, maxime Caesar,
Hoc uno, amissum quod gemo Vergilium.
Sed uetuit relegi, si tu patiere, libellos,
In quibus Aenean condidit ore sacro.
5
Roma rogat precibusque isdem tibi supplicat orbis
Ne pereant flammis tot monumenta ducum.
Anne iterum Troiam, sed maior, flamma cremabit?
Fac laudes Italum, fac tua gesta legi,
Aeneidemque suam fac maior Mincius ornet.
10
Plus fatis possunt Caesaris ora dei.
242 R = 235 SB Habent etiam Vatican. 1575 (saec. XI) et codd. recentes aliquot editionesque Vergilianae