In parte alueoli pyrgus uelut urna resedit,
Qui uomit internis tesserulas gradibus,
Sub quarum iactu discordans cauculus exit
Certantesque fouet sors uariata duos.
5
Hic proprium faciunt <ars> et fortuna periclum:
Haec cauet aduersis casibus, illa fauet.
Composita est tabulae nunc talis formula belli,
Cuius missa facit tessera principium.
Ludentes uario exercent proelia talo,
10
Russeus an nitidus praemia sorte ferat.
Pascitur a multis auide damnosa uoluptas,
Ne foedet gliscens otia segnities.
Hoc opus inuentor nimie Palamedes amauit
Et parili excellens Mucius ingenio.