Distincxi emendans gratum mihi munus amici.
Suscipiens operi sedulus incubui.
Quisque legis, relegas felix parcasque benignus,
Siqua minus uacuus praeteriit animus
5
Tempore, quo penaces circo subiuncximus atque
Scenam euripo extulimus subitam,
Vt ludos currusque simul uariumque ferarum
Certamen iunctim Roma teneret ouans.
Ternum quippe "sofos" merui, terna agmina uulgi
10
Per caueas plausus concinuere meos.
In quaestum famae census iactura cucurrit,
Nam laudis fructum talia damna ferunt.
Sic tot consumptas seruant spectacula gazas,
Festorumque trium permanet una dies,
15
Asteriumque suum uiuax transmittit in aeuum,
Qui partas trabeis tam bene donat opes.