hymni Christiani anonymi 95

Altre sezioni


Clarum decus ieiunii

Monstratur orbi caelitus,

Quod Christus altor omnium

Cibis dicauit abstinens.

5

Hoc Moyses carus Deo

Legisque lator factus est,

Hoc Heliam per aera

Curru leuauit igneo.

Hinc Danihel mysteria

10

Victor leonum uiderat,

Per hoc amicus intimus

Sponsi Iohannes claruit.

Haec nos sequi dona, Deus,

Exempla parsimoniae;

15

Tu robur auge mentium,

Dans spiritale gaudium.