Eugenius Toletanus carminum appendix 52

Altre sezioni


Caeli ciues adplaudite

Mundi iucundo lumini,

Quo illustratur caelitus

Huius diei gratia.

5

Praecelsa fides martyris

Sacrique uita antistitis

Dionysii nobilis

Hodie palmam suscepit.

Areopago Athenae

10

Regis sumpsit diadema

Caelestis gemmam fulgidam,

Dionysium sophistam.

Paulo docente speculum

Habet fides fidelium

15

Et spiculum gentilitas,

Quem ante murum nouerat.

Miro clarescens dogmate

Illuminauit Graeciam

Et inclitus hinc pontifex

20

Vrbem Romanam adiit.

Clemente Romae praesule

Iubente uenit Galliam,

Cui iubar solis splendidi

Illuxit signis, famine.

25

Tandem repulso daemone,

Constructo sacro opere,

Poenis affectus maximis

Caesa ceruice caelum petit.

Aue, pater, scandens polum,

30

Aue, pie uisens solum,

Annua festi munera

Tua sacrans praesentia.

Offer, sacerdos optime,

Gemitus nostros et preces,

35

Firma fidem, martyr dei,

Moresque nostros corrige.

Ope guberna fragiles

In mundi huius pelago

Atque exutos corpore

40

Pie benignus suscipe.

Quo sine fine gloriam

Deo patri cum filio

Vna cum sancto spiritu

Tecum canamus perpetim.