Eugenius Toletanus carmina 37

Altre sezioni


Primus in orbe dies lucis primordia sumpsit,

Alter splendifluis caelum firmauit in oris,

Tertius undiuagum mare dat cum germine terrae,

Quartus habet Phoebum lunamque et sidera caeli,

5

Quintus plumigeras uolucres piscesque natantes,

Sextus quadrupedes, reptans hominesque sagaces,

Septimus est domino requies his rite peractis.