Aue maris stella,
Dei mater alma
Atque semper uirgo,
Felix caeli porta.
5
Sumens illud aue
Gabrielis ore,
Funda nos in pace,
Mutans Euae nomen.
Solue uincla reis,
10
Profer lumen caecis,
Mala nostra pelle,
Bona cuncta posce.
Monstra te esse matrem,
Sumat per te preces
15
Qui pro nobis natus
Tulit esse tuus.
Virgo singularis,
Inter omnes mitis,
Nos culpis solutos
20
Mites fac et castos.
Vitam praesta puram,
Iter para tutum,
Vt uidentes Iesum
Semper collaetemur.
25
Sit laus deo patri,
Summo Christo decus,
Spiritui sancto,
Tribus honor unus.