Venantius Fortunatus spuriorum appendix 4

Altre sezioni


Tibi laus perennis, auctor

Baptismatis sacrator,

Qui sorte passionis

Das praemium salutis.

5

Nox clara plus et alma,

Quam luna, sol et astra,

Quae luminum corona

Reddis diem per umbram.

Dulcis sacrata blanda

10

Electa pura pulcra,

Sudans honore mella,

Ligans odore chrisma.

In qua redemptor orbis

De morte uiuus exit,

15

Et quos catena uinxit

Sepultus ille soluit.

Quam Christus aperuit

Ad gentium salutem,

Cuius salubri cura

20

Redit nouata plasma.

Accedite ergo digni

Ad gratiam lauacri

Quo fonte recreati

Refulgeatis agni.

25

Hic gurges est fideles

Purgans liquore mentes.

Dum rore corpus sudat,

Peccata tergit unda.

Gaudete candidati,

30

Electa uasa regni.

In morte consepulti.

Christi fide renati.