Rex regionis apex et supra regna regimen,
Qui caput es capitum uir capitale bonum,
Ornamentorum ornatus, ornatius ornans,
Qui decus atque decens cuncta decenter agris,
5
Primus et a primis, prior et primoribus ipsis,
Qui potes ipse potens, quem iuuat omnipotens.
Dulcia delectans, dulcis dilecta potestas,
Spes bona uel bonitas, de bonitate bonus,
Digne nec indignans, dignos dignatio dignans.
10
Florum flos florens, florea flore fluens,
Childebercthe cluens: haec Fortunatus amore
Paupere de sensu pauper et ipse fero.
Audulfum famulum commendo supplice uoto,
Me quoque: sic nobis hic domineris apex.