Christicolas animas haec conscia cura fatigat,
Vt circa cunctos stet sine labe salus.
Ast ego prae reliquis circum tua lumina pendens
Qui uenit atque redit prompta requiro frequens.
5
Sollicitis oculis uolitantia flabra recurro,
Quando uel unde tui nuntiet aura boni.
Hoc tibi praecipue mea, dulcis, epistula signet
Quod dolor atque metus sit tuus ille meus:
Et quia nos animo cognoscis currere tecum,
10
Det de te incolumi pagina missa fidem.