Quo sine me mea lux oculis se errantibus abdit
Nec patitur uisu se reserare meos
Omnia conspicio simul: aethera flumina terram;
Cum te non uideo, sunt mihi cuncta parum.
5
Quamuis sit caelum nebula fugiente serenum,
Te celante mihi stat sine sole dies.
Sed precor horarum ducat rota concita cursus
Et breuitate uelint se celerare dies.
Consultum nobis sanctisque sororibus hoc sit,
10
Vt uultu releues quos in amore tenes.