Venantius Fortunatus carminum libri 10, 18

Altre sezioni


Paschale hic hodie donum memorabile floret;

      Defensor parcit, quo comes ipse fauet.

Delicias domini quas tempora uota ministrant

      Vndique conueniunt flumine fruge polo.

5

Childebercthi etiam dominatio longa refulgens

      Te, Sigoalde, diu subleuet arce, gradu.

Sit regio felix felicis regis amore

      Atque boni comitis crescat honore fides.