Praesul, honoris apex, generis fideique cacumen,
Cultor agri pollens, pastor opime gregis,
Cum mea terra manu meruit genitoris arari,
Reddatur nati uomere culta sui.
5
Nam pater, affectu dulci memorabilis orbi,
Me uobiscum uno fouit amore duos;
Corde parens, pastu nutrix, bonus ore magister
Dilexit coluit rexit, honesta dedit.
Ille pio studio sulcata noualia seuit:
10
Quod pater effudit hoc mihi semen ale.