Te timemus terribilem
Nullum credentes similem,
O Iesu amantissime,
O rex regum rectissime.
5
Noli, pater, indulgere
Tonitruo cum fulgure,
Ne frangamur formidine
Huius atque uridine.
Te cuncta canunt carmina
10
Angelorum per agmina,
Teque exaltent culmina
Caeli uaga per fulmina.
Benedictus in saecula
Recta regens regimina.
15
Iohannes coram Domino
Adhuc matris in utero
Repletus Dei gratia
Pro uino atque sicera.
Manet in meo corde
20
Dei amoris flamma,
Vt in argenti uase
Auri ponitur gemma.