Musta cadis famuli dum condunt nostra fideles
Et ludunt prelo calcibus intrepidis,
Dum tingunt rosei plantas de sanguine Bacchi,
Scinditur et teneras uua gerens tunicas:
5
Otia Niliacis non passus carmina biblis
Sulcaui, tumulo ne tenear moriens.
Ebria labsantis confessus uerba Thaliae,
Sum uacuus culpa, si pedibus titubet.
Ieiunos deceat lex artis syllaba rhythmus:
10
Nulla Camenarum iungitur ad Bromium.