Conditur hic regum genetrix et regia coniunx,
Praecellens lumen patriae, lux orbis et aulae,
AVSTREGILDE potens regis decus, gloria mundi,
Principis inuicti quae magnum auferre furorem
5
Sueuerat et pulsis absoluere corda periclis.
In qua magnorum praecessit culmen honorum
Omnipotentis amor, cuius dum sedula iussis
Paret et aeterni sequitur praecepta magistri,
Ad caelos praemisit opes dextrisque rogantum
10
Terrenum statuit transferre ad sidera regnum.
Sed tantis prouecta bonis sunt tempora uitae
In spatio breuiata suo, cui pulchrior aetas
Ter denos tribuens geminos superaddidit annos,
Magna sed angusto deducens saecula cursu.