Alcimus Auitus carminum appendix 13

Altre sezioni


Suscipe terra tuo corpus de corpore sumptum,

      Reddere quod ualeas uiuificante deo.

Spiritus astra petit, leti nil iura nocebunt,

      Cui uitae alterius mors magis ipsa uia est.

5

Pontificis summi hoc clauduntur membra sepulchro

      Qui innumeris semper uiuit ubique bonis.

Esuriem dapibus superauit, frigora ueste,

      Atque animas monitis texit ab hoste sacris.

Implebatque actu, quidquid sermone docebat,

10

      Esset ut exemplum mystica uerba loquens.

Ad Christum Anglos conuertit pietate magistri

      Acquirens fidei agmina gente noua.

Hic labor, hoc studium, haec tibi cura, hoc pastor agebas,

      Vt domino offerres plurima lucra gregis.

15

Hisque dei consul factus laetare triumphis;

      Nam mercedem operum iam sine fine tenes.