Luxurius carmina (anth. Riese) 353

Testo base di riferimento: H. Happ, 1986

Cura dell'edizione digitale: M. N. Iulietto, 2009

Altre sezioni


De Olympio uenatore Aegyptio

 

Grata uoluptatis species et causa fauoris,

Fortior, innumeris uenator, Olympie, palmis,

Tu uero nomen membrorum robore signas

Alcides collo scapulis ceruice lacertis,

5

Admirande audax uelox animose parate.

Nil tibi forma nocet nigro fuscata colore:

Sic ebenum pretiosum atrum natura creauit,

Purpura sic magno depressa in murice fulget,

Sic nigrae uiolae per mollia gramina uernant,

10

Sic tetras quaedam conmendat gratia gemmas,

Sic placet obscuros elefans inmanis ob artus,

Sic turis piperisque Indi nigredo placessit.

Postremum tanto populi pulcrescis amore,

Foedior est quantum pulcher sine uiribus alter.

Olympio

olimpo A