In aurigam senem uictum crimina in populos iactantem
Te quotiens uictum circus, Cyriace, resultat,
Crimine uictores polluis et populos.
Non uisum quereris senio languente perisse
Castigasque tuae tarda flagella manus.
5
Sed - quod in alterius diuulgas crimina nomen,
Cur non illa magis credis inesse tibi?
Es meritis impar, uirtute, aetate relictus:
Haec cum habeant alii, crimina uera putas.
Sola tamen falsis surgat tibi poena loquellis,
10
Vt uictus semper nil nisi crimen agas.