Quid rear, adfatus quod non mihi derigis ullos
Nec redit alterno pollice ducta salus?
Scribendine labor? sed cui tam prona facultas,
Carmina seu fundis seu Cicerone tonas?
5
Cedere diuitiis animi fortuna fatetur
Et tantas oris copia uincit opes.
An rarus qui scripta ferat? quin tempore nullo
Cessant Flaminiae puluerulenta uiae.
Cum fluat ingenium, cum sit qui dicta reportet,
10
Quae, nisi contemnor, causa relicta tibi?
Despicis ergo tuum, si fas est credere, uatem,
Perfidus et spatio debilitatur amor?
Excidimusne tibi? lucem iam condet Hydaspes
Et Tartesiaco, Sol, oriere uado,
15
Candescet Geticis Meroe conuersa pruinis
Claraque se uetito proluet Vrsa mari,
Et, si iam nostros fastidit Olybrius ignes,
Constat Oresteam nil ualuisse fidem.
Quin age rumpe moras solaturusque sodalem
20
Absens eloquio fertiliore doce,
Crebraque facundo festinet littera cursu
Auribus atque animis insinuanda meis.
Dignatus tenui Caesar scripsisse Maroni,