Nihil in uita expedire 
Quod uitae secteris iter? fora litibus ardent,
Quodque agere institeris, haud facile expedies.
Anxia cura domi, labor est immensus in agris,
Tum pauor ingressis nauifragum pelagus.
5
Si peregri quid habes, trepidum; miserabile, si nil:
Aut pudor aut crux est, alterum in alterutro.
Militiae incerto fato labor, actus honorum
Lubricus: in summo culmine fluxa fides.
Sollicitum sine fine geras cum coniuge pectus;
10
Contra autem squalet coniuge uita carens.
Susceptae prolis metus aut dolor instat ademptae;
Orbatus, cui non ulla sata <est> suboles.
Imprudens aetas iuuenum, contraque uigoris
Cassa senum, nullis utilis inlecebris.
15
Vnum de geminis optes, aut progenerari
Nunquam, aut dissolui: cetera cuncta dolor.
vid., ut exemplar, AP 9, 359, quod in AP 9, 360 refellitur. more suo vertit etiam Auson. ecl. lib. 2 p. 87-90 P. (= 19 p. 112-114 G.). cf. Greg. Naz. περὶ τῶν τοῦ βίου ὁδῶν M. 37, 778 sq.; AP 9, 446. vid. etiam epigr. 26
contatti: 