De uxore ducenda 
Vxorem duces si, Zoile, pauper egenam,
Pauperie iunges, Zoile, pauperiem;
At si tu ualidam gaza dotisque superbam,
Non illa uxor erit, sed uiolens domina;
5
Quod si Lucullus sine re Crassusque clientem,
Pannosae genitor nobilitatis eris;
Sin autem formae Venerem quae dotibus aequet,
Magna dabis multis gaudia, parua tibi.
Restat ut inculto uitam lare uiuere malis
10
Quam mala conubii non toleranda pati.
vid. Anaxandrides fr. 52, CAF 2, 158 (= Stob. 4, 513 Hense)
contatti: 