Tres orbes, Saturne, tuos, pater optime, uixi
Aetatis nullo crimine conspicuus,
Vt uigor optandus noster compluribus esset
Officiique tenor prodigus in proceres.
5
Nunc quarti postquam tua limina iniuimus orbis,
Concidimus nec uis, quae fuit, ulla manet.
Sed tamen adsistas felix mihi meque uigori,
Qua fas, longaeuum redde uel exiguo;
Vel tempestiu<e tard>a me solue senecta,
10
Fine ut tranquillo ponere membra queam.
vid. Auson. epic. in patr. 53-62 p. 23 sq. P. (= p. 20 G.)