Ὥς οἱ μὲν Τρῶες φυλακὰς ἔχον: αὐτὰρ Ἀχαιοὺς
Interea uigilum excubiis cohibentur Achiui.
Graecis et praeterita dimicatione perculsis et instante conterritis proceres ab Agamemnone conuocantur. quibus rex fugae consilia et apparatum ordinandae per noctem nauigationis indicit, Diomede et Nestore dehortantibus. suadente autem Nestore Aiax et Vlixes legantur ad Achillem dona ingentia pollicentes, si desistat irasci et sese auxiliatorem fessis rebus accommodet. sed Achille in iracundia pertinaciter permanente legati Achiuorum re non impetrata irriti reuertuntur.