Ausonius *periochae Iliados 2 = App. I.3.II Schenkl = XXI.2 Peiper = XXVIII.2 Prete = App.a.2 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Ἄλλοι μέν ῥα θεοί τε καὶ ἀνέρες ἱπποκορυσταὶ

Εὗδον παννύχιοι, Δία δ᾽ οὐκ ἔχε νήδυμος ὕπνος.

Caelestes hominumque genus superabile curis

Tranquilla obscuri carpebant munera somni;

5

At non peruigilem nox irrequieta Tonantem

Leniit immodicos uoluentem corde paratus,

Caedibus ut Graium laesum ulciscatur Achillem.

 

Iuppiter Agamemnonem somnio monet proelii faciendi tempus adesse, ne cunctetur dimicare. tum ille in concilium proceribus aduocatis mandatum Iouis et speciem nocturnae quietis explanat. mox in contione multitudine congregata pertemptat militum uoluntatem utque deposito bello ad sua quique redeant cohortatur. iamque omnibus nauigationem adornantibus foeda discessio ab Vlixe cohibetur. a quo etiam Thersites deformis et loquax, in heroum contumelias uerborum licentia promptus, cum acerba obiurgatione pulsatur. ipse Mineruae monitu cunctos a profectione deterret. sumpto deinde cibo armatur exercitus. neque setius a Troianis instructa acies Iride ita monente producitur. sequitur enumeratio copiarum uiritim, ut per catalogi seriem milites naues, duces, patriae retexantur.

quique H Ugoletus, Scaliger, Tollius, Bipontina, Canal, Green, Combeaud, Dräger 2015

quisque P Schenkl, Peiper, Prete

codices
H = London, British Library, Harley 2613 (1460-1470)
P = Paris, Bibliothèque Nationale de France, lat. 8500 (saec. XIV)