Paulino Ausonius: metrum sic suasit ut esses
Tu prior et nomen praegrederere meum;
Quamquam et fastorum titulo prior et tua Romae
Praecessit nostrum sella curulis ebur,
5
Et, quae iam dudum tibi palma poetica pollet,
Lemnisco ornata est, quo mea palma caret.
Longaeuae tantum superamus honore senectae.
Quid refert? cornix non ideo ante cycnum
Nec quia mille annos uiuit Gangeticus ales
10
Vincit centum oculos, regie pauo, tuos.
Cedimus ingenio, quantum praecedimus aeuo;
Assurgit Musae nostra Camena tuae.
Viue, uale et totidem uenturos congere Ianos
Quot tuus aut noster conseruere patres.
Ausonius Paulino sal(utem)pl(urimam) di(cit) C
Ausonius Paulino sal(utem) pl(urimam) dicit T
codices
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
T = Leiden, Bibliotheek der Rijksuniversiteit, VLQ 107 (saec. XV-XVI)
Z = consensus C K M (L) T